რაღაც მინდა, სიცოცხლეზე მეტი...

ან თუნდაც იმაზე მეტი, რაც ახლა მაქვს....

მიუხედავდ იმისა, რომ ყინული დაიძრა და რაღაც პოზიტიური ამბები ხდება, მიუხედავად იმისა, რომ ზამთრის დეპრესია კიარადა "ძილი" დასრულდა, მაინც რაღაც სხვა მინდა.



მუზა მინდა....







(გადააბიჯეთ, მორიგი ემო პოსტია)

დღეს დავფიქრდი და მივხვდი, რომ ერთადერთი ადამიანი, რომელსაც მართლა აწუხებდა ჩემი ცუდად ყოფნა, რომელსაც მართლა უხაროდა ჩემი უბრალოდ ღიმილიც კი, რომელიც ყოველთვის მისმენდა, რომელსაც თვეების შემდეგაც ახსოვდა თუნდაც პატარა წაწუწუნება, ანუ, მოკლედ რომ ვთქვათ, the one, who really cared about me, just, გავუშვი...



არსებობს ურთიერთობები, რომლებსაც სახელს ვერ დაარქმევ, ვერ მიუსადაგებ ვერცერთ აქამდე შენს თავში არსებულ სქემას, რომლის მიხედვითაც შეგიძლია გაარჩიო, ვინ არის შენთვის მეგობარი, ვინ უბრალო ნაცნობი, ვინ-იმედი, ვინ - სიყვარული, ვინ–ნდობა, ვინ–ვნება, ვინ–ზიზღი....


არის რაღაცა რაც ბევრად მეტია, ვიდრე მეგობრობა... ბევრად მეტი, ვიდრე სიყვარული... ბევრად მეტი, ვიდრე ყველაფერი ერთად აღებული... მაგრამ ამას ვერასდროს ავხსნი, ალბათ... იმიტომ, რომ ძალიან ბევრ კლიშეს და თარგს ესაბამება ეს ყველაფერი და რაღაც მომენტში მეც კი ვერ ვერკვეოდი, არათუ გარეშე თვალით დანახული "მე"... ანუ, მაგალითისთვის ავიღოთ ვაშლი, რომელიც ევამ ჭამა. ეს ვაშლი შეიძლება ბევრნაირ კლასიფიკაციაში მოვაყოლოთ: არის ხილი, არის ვაშლი, არის ტკბილი, ისხამს ვაშლის ხე, ამ შემთხვევაში კონკრეტული დატვირთვის მქონდე ვაშლი და ა.შ. მაგრამ ყველაზე მთავარი ისაა, რომ ეს ის ვაშლია, რომელიც ევამ ჭამა და მერე ადამსაც აჭამა, ანუ, მასში არის რაღაც განსაკუთრებული, რაც თავის თავში, მართალია, მოიცავს ყველა სხვა ჩვეულებრივი ვაშლის თვისებას, მაგრამ მათ მიღმა და მათ გარდა კიდევ არის რაღაც.... ვაშლი, რომელიც ყველაფერია და ამ ყველაფერზე მეტია....

Mehr als alles andere.... Mehr als alle anderen....

და არც არავისთვის ვაპირებ რამის ახსნას... არ აქვს მნიშვნელობა, რას იფიქრებენ, ან რას მეტყვიან, ან რას დამაბრალებენ, ან რისთვის გამკიცხავენ... ერთადერთი, ვინც ზუსტად გაიგებდა, რას ვგულისხმობ, ვისაც არ გაუკვირდებოდა, რომ ცოტ-ცოტა ყველაფერია...
just... აბა, თუ მიხვდებით რა ვქენი ? :)
სავარაუდოდ, ვერ, იმიტომ, რომ ამხელა ბულშითს არავინ წაიკითხავს ბოლომდე :D ან, პირველ და ბოლო აბზაცს წაიკითხავს და მაინც ვერ მიხვდება, რა ხდება...