საზეიმო დამშვიდობება

ესეც ასე, დასრულდა ჩვენი პროექტი , დროზე ადრე, მაგრამ მაინც.

სანამ გულისამაჩუყებელ ნაწილზე გადავიდოდე:
ბაბისამ დაწერა პოსტი აგვისტოს წიგნზე. ვინც შემორჩა პროექტს და წაიკითხა წიგნი, ნუ დავიზარებთ დაკომენტებას, ჩემის თამადობით. :D


ჰოდა, ოფიციალურ საკითხებს რაც შეეხება, ვაცხადებ:

• სექტემბრის წიგნის არჩევისთვის მივწერე იასამნისფერს და სამწუხაროდ, არაა ინტერნეტთან და ასე რომ, პროექტი ოფიციალურად დაიხურა.
• ივლისის წიგნზე პოსტი ჯერ არ დაწერილა და ფაქტიურად ეგ თვე ჩავარდა.
  whatever...
• დიდი მადლობა უკლებლივ ყველას პროექტში მონაწილეობისთვის. პირადად ჩემთვის ფრიად სამაგალითო პროექტი იყო, ყველა გაგებით :D
• ბევრმა პროექტის დაწყების შემდეგ გამოხატა მონაწილეობის სურვილი. სამწუხაროდ, პროექტი ამ სახით არ განმეორდება, ყოველ შემთხვევაში, ჩემს ბლოგზე მაინც. სხვა თუ აიტაცებს იდეას, არ ვიცი. :)

გემშვიდობებით კეთილი სურვილებით,
Chaotic

:D

p.s. პრეტენზიები და ამბები, ასევე ცრემლთა ღვრა და გამომშვიდობება კომენტარებში, ოღონდ კონსტრუქციულად. :*

აგვისტოს წიგნი

იმის გათვალისწინებით, რომ რამდენიმე ადამიანი აღარ მონაწილეობს პროექტში, აგვისტოს წიგნს ირჩევს ბაბისა.

ეს არის ინგმარ ბერგმანის "გულახდილი საუბრები".

პ.ს. ამონარიდი ბაბისას მაილიდან: "იშოვება მაღაზიებში, პატარა წიგნია".


p.s. ამ პოსტს აუცილებლად დავააფდეითებ ხვალ, რამეთუ ახლა შეურაცხად მდგომარეობაში ვიმყოფები. :D

უბრალოდ, მინდოდა, დროზე გცოდნოდათ... :)

წავედი მე ნანებში, თქვენის ნებართვით, თორემ ორი ვარ, აშკარად :D

ივლისის წიგნი

ივლისში გვმასპინძლობს ნან და მისი ბათუმელი ჟურნალისტის ბლოგი.

ნანამ აირჩია, რეი ბრედბერის - 451 ფარენჰეიტით.

მისივე თქმით, წიგნი ყველგან იშოვება საქართველოში. მოიძებნება ნეტშიც, lib.ru-ზე.


მე უკვე შევუკვეთე და ერთი სული მაქვს, როდის დავიწყებ კითხვას და მერე როდის განვიხილავთ.

პ.ს. აქვე, ჩემი პოსტი ივნისის წიგნზე.

გამიხარდება ბეეეევრი კომენტარი. :D


პ.პ.ს. აქვე, მათ, ვისაც გინდათ დატოვოთ კომენტარი ძველ წიგნებზე, ნუ დაიზარებთ. თუკი, აღარ გინდათ კლუბის წევრობა, გთხოვთ, მომწერეთ, რათა დროულად გადავანაწილო თვეები.


ბეევრ მზეს, ზღვას, დასვენებას, კარგ წიგნს გისურვებთ :)

Chaotic.

დასაბამითგან იყო...

სიტყვა, მათთვის, ვინც კითხულობს ბიბლიას.
ბაქტერია, მათთვის, ვინც მეცნიერებას მიაგებს უმეტეს პატივს.
მაგრამ, როდესაც საქმე ადამიანებზე მიდგება, ორივე მხარე ღრმადაა დარწმუნებული იმაში, რომ "დასაბამითგან იყო კაცი", მიუხედავად უახლესი მეცნიერული აღმოჩენისა, რომ ყველაფერი დაიწყეს X ქრომოსომებმა.

ამ დროს მოვიდა დორის ლესინგი და იკითხა: რატომ?!

რატომ არ შეიძლება დავწერო რომანი სულ პირველ ადამიანებზე, რომლებიც იწვნენ ზღვის ნაპირას, შიგადაშიგ ლაღად ცურავდნენ წყალში, სავსე მთვარისგან და ტალღებისგან ფეხმძიმდებოდნენ და ულამაზეს გოგონებს აჩენდნენ?!

და ყველაფერი ისე მშვიდი და იდეალური იყო მანამ, სანამ არ გაჩნდნენ უცნაური "ურჩხულები", რომლებიც შეშინებულებმა არწივებს მიუგდეს საძიძგნად...

ყველაფერი სრულყოფილად მშვენიერი იყო, მანამ სანამ, ეს "ურჩხულები" არ გაიზარდნენ და გამრავლების ერთადერთი გზა მათთან "თამაში" გახდა....

მთელი იდეის დაწვრილებით გადმოცემა დორის ლესინგს მივანდოთ. მე კი ვიტყვი, რომ ნაწილობრივ იმედი გამიცრუა წერის სტილმა. ძალიან მშრალი და უემოციო იყო ადგილ-ადგილ. ნაწილობრივ გავღიზიანდი: თავიდან იმით, რომ ქალმა, რომელიც ფემინიზმის იდეებს ქადაგებდა მთელი თავისი ცხოვრების მანძილზე, ქალებს "არ მისცა უფლება" ეფიქრათ... ისინი მხოლოდ სადღაც, სანაპიროზე იწვნენ და მზეს ეფიცხებოდნენ. არ ფიქრობდნენ არაფერზე, არ ინტერესდებოდნენ არაფრით. შემდეგ დაიბადა პირველი კაცი და ჰოპლა, პირველივე თაობამ ზედმიწევნით გამოიკვლია თავიანთი სანაპიროს შემოგარენი, ისწავლა ქოხების აგება, ნადირობა...

იქნებ, ეს იყო მორიგი მცდელობა ქალის მსხვერპლად გამოჩენისა? ასეთ შემთხვევაში ეს მცდელობა ფრიად დაუჯერებლად იყო დახატული...

შეიძლება ეს იყო უკვე მხცოვან ასაკს მიღწეული დაღლილი ქალის მიერ ფარ-ხმლის დაყრა და ბედთან შეგუება, რომ მის ფანტაზიაშიც კი, მთელი იმ ბრძოლების შემდეგ, რაც მას გადახდა, ის არაა იმდენად თავისუფალი კლიშეებისგან, რომ დაწეროს რომანი, სადაც ქალს არ ჩაგრავენ (რაც ფრიად დამაჯერებელი იქნებოდა იმის გათვალისწინებით, რომ წარსულში ბევრ კულტურაში მატრიარქატი სუფევდა.)

იქნებ, ეს იყო მცდელობა, გაეგო სად იღებს სათავეს ყველა ის კლიშე ქალსა და კაცზე, ან დარწმუნებულიყო იმაში, რომ არაფერი შეცვლილა: თაობიდან თაობამდე იარსებებენ წუწუნა ქალები, თავგადასავლებს მოყვარული კაცები, ქალების საყვედურებით თავმობეზრებული კაცები, ქალები, რომლებიც პატარა ბავშვივით უნდა ჩაიხუტო და კაცები, რომლებსაც პატარა ბავშვივით უნდა აპატიო თავზეხელაღებული საქციელი...

მოდით, მე ვიტყვი, რომ ეს იყო მისი მორიგი "გათვლილი" ნაბიჯი, მოენახა "აქილევსის ქუსლი" ქალებში და ეთქვა: "არ მოგწონთ ის, რაც შეიძლებოდა ყოფილიყო? არ მოგწონთ ის, რაც ახლა ხდება, თუნდაც თქვენს თავს? მაშინ შეცვალეთ ხედვა, იბრძოლეთ იმისთვის, რაც თქვენია, იმიტომ რომ სხვა არ გააკეთებს ამას თქვენს ნაცვლად და არც იქნება ვალდებული"...

თქვენ რას იტყვით?! :)

ივნისის წიგნი

ამ თვეში მე გმასპინძლობთ.

ჩემი არჩევანია: დორის ლესინგის "ნაპრალი" (Doris Lessing-Die Kluft/ The Cleft)
და არა, არავითარ შუაში არაა ნობელის პრემია.

სქესთა ბალანსზე ვზრუნავ. :D
თან საკმაოდ საინტერესოა, 12 ქალი მეცამეტეს როგორ გააკრიტიკებს. :D


ქართულად გამოიცა "გამომცემლობა "ინტელექტის" მიერ, სერიით "ნობელის პრემიის ლაურეატები""



დარწმუნებული ვარ, ბიბლიოთეკებში იქნება. ნასტასიამ იკითხა ერთ მაღაზიაში და იქ არ აღმოაჩნდათ, მაგრამ ბიბლიოთეკაში აუცილებლად იქნებაო.

მე დღეს ნეტში ვიპოვნე "ბიბლუსი Books"-ის გვერდი, რომლის თანახმადაც წიგნი ღირს 9.99 ლარი.

რაც შეეხება გვერდების რაოდენობას:
238 გვერდი = 119 ფურცელი => არ მგონია ბევრი იყოს ერთი თვისთვის.

დაწვრილებითი ინფორმაციისათვის მომმართეთ აქ, ან მაილზე.

p.s. მათ, ვისაც გამორჩა/დაავიწყდა აპრილის წიგნის დაკომენტება, ან ლინკი ვერ იპოვნა: აი, ისიც. ნუ დაიზარებთ. :*

p.p.s. მაისის წიგნზე კუდა დაწერს ამ დღეებში პოსტს და აუცილებლად გავლინკავ "ბლოგერების წიგნის კლუბის" გვერდზე.



Chaotic

დაპირებული პოსტი ურჩ კლუბელებთან დაკავშირებით

:D

დიდი დიქტატურა ტრიალებს, დიდი :D


ესე იგი, წინა კვირას დავწერე, გადავთვლი კომენტარებს-მეთქი და თქმა და შესრულება ერთი იყო.

ამ ეტაპზე, არცერთ პოსტზე არ დაუწერია კომენტარი thecatcherintheray-ის. სპეციალურად გადავქექე კომენტარები და აშკარად ვერსად ვიპოვნე.
ეს იმას ნიშნავს, რომ სამწუხაროდ, thecatcherintheray გამოეთიშა პროექტს.

(გასაჩივრებები და ამბები მოსულა, კონსტრუქციულად... თუმცა, მანამდე გადახედეთ სუუულ პირველ პოსტს ;) )

სიაში კომენტარები დავთვალე შემდეგნაირად:

1. მოქმედებს პრინციპი: თუ შეტოპე-გატოპე. ანუ, წიგნების ჩაგდება არ შეიძლება.
2. წიგნის არჩევანში არავინ იღებს მონაწილეობას მასპინძლის გარდა. ასევე დიდ სნობიზმად ჩაითვლება ცხვირის აბზუება და "მე ამ წიგნს არ წავიკითხავ, შიგ სექსები და გინებებია" არგუმენტები და ჩვენ ხომ სნობები არ ვართ?! ჰოოდა, წინასწარვე განვეწყოთ ადამიანურად. :D
3. ყველასთვის ნაცნობი მიზეზების გამო პირველი წიგნის ჩაგდება შედარებით ლოიალურად შეფასდა.
   

ანუ, თუკი, რაიმე მიზეზის გამო არ წაიკითხეთ წიგნი, კომენტარი არ ფასდება. :(
ეს ყველაფერი თავიდანვე იყო ასე გათვლილი, სხვა შემთხვევაში ყველას შეუძლია რამე მოუნახოს წიგნს. თუმცა, დაძალებაც ცოტა ისეთი რამეა და ყველაზე უპრობლემო გამოსავლად ეს პრინციპი მესახება.
(თუკი სხვა შემოთავაზება გაქვთ, დატოვეთ კომენტარებში).


პ.ს. ძალიან გთხოვთ, შეეცადეთ, 2 და 22 თვის მერე არ დააკომენტოთ. მგონი, კლუბის წევრები არ იწერენ კომენტარებს და მარტო მე და პოსტის ავტორი ხომ არ უნდა ვიყოთ პრივილეგირებულები. :D



ბოლო და ძალიან მნიშვნელოვანი პუნქტი: thecatcherintheray-ს ჰქონდა ივლისის თვე არჩეული. ახლა გადავხედე და ბოლო, ანუ 2011 წლის იანვარი ნანას თვეა. თუკი საწინააღმდეგო არაფერი გაქვს, გადმოგაჩოჩებ ივლისში, ნან :)

მაისის წიგნი

ძალიან დიდი ბოდიში დაგვიანებისთვის, ბლოგამდე ვერ მოვაღწიე :partyბოლო ჭიქისამბავი: .

მაისში გვმასპინძლობს კუდა , რომელმაც აირჩია:

ერიკ-ემანუელ შმიტის- ნოეს შვილი.

თავადაც დააანონსა უკვე, რისთვისაც დიდი მადლობა. :*

რამდენადაც ვიცი, წიგნი იშოვება საქართველოში. მგონი, კუდასაც აქვს და მისი პოსტის კომენტარებიდან შევიტყვე, რომ ბაბისასაც ჰქონია. :დაესიეთ: :D


ნანიკოს საყურადღებოდ: მე მაქვს სახლში და გათხოვებ, თუ არ გაქვს ჯერ წაკითხული.

აპრილის წიგნზე პოსტი ჯერ არ დაწერილა, (ჩემს რიდერში არ ჩანს, ყოველ შენთხვევაში), მაგრამ ნუ ინაღვლებთ, დავლინკავ ბლოგერების წიგნის კუბის გვერდზე.

პ.ს. ჩემი წინა თვეში მიღებული გადაწყვეტილება, ხალხის სიიდან ამოღების შესახებ ძალაშია. აპრილის წიგნის განხილვიდან 1 კვირაში გადავამოწმებ და დავპოსტავ მათ ნიკებს, ვინც ვეღარ მიიღებს მონაწილეობას პროექტში. შეიძლება რამდენიმეს ამის გამო სიაში "ჩამოჩოჩება" მოუხდეს, მაგრამ მოვაგვარებთ, მგონი. :)


სიამოვნებით იკითხეთ :)

Chaotic

საყვედური პირად საქმეში შეტანით

წინასწარვე ვწერ, არაფერი სუბიექტური...

just, ჩემი დაკვირვებით წმინდა ქართული ფენომენია, როდესაც თავიდან რაღაცაზე აღვფრთოვანდებით და "I'm in, I'm in"- ვართ ყველა პროექტში (ჩემი თავის ჩათვლით), იმის გაუთვალსწინებლად, მართლა შევძლებთ თუ არა მასში მონაწილეობას.

ბრრრ....
ძალიან არ მიყვარს.

ჰოდა, ჩვენი წიგნების კლუბის თებერვლის წიგნზე არაფერი მითქვამს, რადგან ბევრმა ვერ იშოვნა, მაგრამ მარის წიგნი ნეტში იდო, აშკარად.

მათ ვისაც არ გაუკეთებია არცერთ პოსტზე კომენტარი და შესაბამისად, ვიტოვებ უფლებას ვიფიქრო, რომ არ წაუკითხავთ ეს წიგნები, ძალიან ვთხოვ, მომწერონ თუკი აღარ უნდათ მონაწილეობა და ამოვიღებ სიიდან. :)

პროექტის იდეა იმაშიც მდგომარეობდა, რომ ერთდროულად წაგვეკითხა წიგნები. 2 წლის მერე რომ დააკომენტოს ვინმემ, რა ხეირი :D




აპრილის თვეში დაწერილ პოსტზე გაკეთებული კომენტარების მიხედვით შევაფასებ და ისინი, ვისაც არცერთ ამ 3 წიგნზე კომენტარი გაკეთებული არ ექნებათ, გამოეთიშებიან პროექტს. ანუ, წიგნს ვერ შემოგვთავაზებენ. :შავისიისმოლოდინში:

Sorry, მაგრამ ცოტა უაზროდ მეჩვენება სიის ასეთ სიტუაციაში არსებობა და საკმაოდ Not fair, რომ სხვის წიგნებს ვიკიდებთ და ჩვენი არჩეულის წაკითხვას ყველასგან ველით.


:(


კიდევ ერთხელ, nothing personal, მაგრამ 100% ვასრულებ ზემოთხსენებულს. :)

p.s. გინებიანი კომენტარების საშუალებაც გექნებათ :P


p.p.s. მათ, ვისაც თავისი მაილი არ მოუცია, შეუძლია მომწეროს chaoticoo[at]gmail.com (@ სად უნდა ჩასვათ, მიხვდებით. სპამის თავიდან აცილებას ვგეგმავ :D), რადგან თვის დასაწყისში მაილით ვაგზავნი ინფორმაციას წიგნის შესახებ.


მშვიდობიან კითხვას გისურვებთ,

Chaotic

აპრილის წიგნი

მარტიც ამოიწურა და აპრილის წიგნის დაანონსების დრო მოვიდა.

აპრილში მასპინძლობას გვიწევს ხისსუნიანისახლი.

მისი არჩეული წიგნია: ჰარუკი მურაკამის- ნადირობა ცხვარზე.

რამდენადაც დავადგინე, ყველგან იშოვება.
ნანიკოს საყურადღებოდ: არის ბიბლიოთეკებშიც გერმანულად და წიგნების მაღაზიებშიც.
თუკი კითხვები გაგიჩნდებათ, დაგვიკავშირდით. :)


აქვე მინდა, მათ , ვისაც ჯერ არ შეუმჩნევია, ვუთხრა, რომ სპეციალურად ჩვენი წიგნის კლუბისთვის გავაკეთე ცალკე გვერდი ბლოგზე, სადაც თავს ვუყრი ყველა პოსტის ლინკს. იქვე იხილავთ მასპინძლების პოსტების ლინკებსაც. გვერდის ლინკს - "ბლოგერების წიგნის კლუბი" ჩემი ბლოგის მარჯვენა ზემო კუთხეში ნახავთ. :)



კარგი იქნება, თუკი იაქტიურებთ და კომენტარებს დატოვებთ მასპინძლების პოსტებზე. იდეა ამ პროექტისა სწორედ ამაში მდგომარეობდა. თუკი ვინმეს ეზარება და აღარ უნდა, შემატყობინოს, რომ დანარჩენმა მასპინძლებმა "ჩავიჩოჩოთ" სიაში :D


p.s. მარტის წიგნი, ალბათ, ყველამ წაიკითხა უკვე.
ქეთიმ დაწერა უკვე პოსტი. არ დაგეზაროთ, დააკომენტეთ.

:)

მარტის წიგნი

დიახ, დიახ...
გადავედით მომდევნო წიგნზე.
თებერვლის წიგნზე ნასტასიამ უკვე დაწერა პოსტი. ასე რომ, შედით მის ბლოგზე, წაიკითხეთ და დააკომენტეთ. :)

მარტში გვმასპინძლობს ქეთი.
ქეთის არჩევანია:
დავით-დეფი გოგიბედაშვილის: ჩემმა ტყუპისცალმა მიპოვნოს.

ვისაც წიგნი არ აქვს, ნეტში დეფის საიტზე დევს pdf-ვერსია.


თუ კითხვები გაგიჩნდათ, მოგვწერეთ მე ან ქეთის.

:*

თებერვლის წიგნი

• პრესკრიპტუმი: ლინკების ზღვა გელით თემაში :D

ძალიანი მიხარია, რომ ბევრი დაინტერესდა ჩემი იდეით ონლაინ წიგნის კლუბის შესახებ.

ამ ეტაპზე ვართ თორმეტნი. ანუ, 2011 წლის იანვარში მოვრჩებით.
ვფიქრობ, დანარჩენებს მხოლოდ მკითხველების სახით თუ დავამატებთ, რომ წიგნის კითხვაში შემოგვიერთდნენ, თორემ ასე სია უსაშველოდ გაიზრდება და ბევრს ხალისი არ ექნება. ვნახოთ, პირველი ეტაპი როგორ ჩაივლის და შემდეგ დავფიქრდები "მიშენებებზე".

თებერვალში გვმასპინძლობს ნასტასია.

თებერვლის წიგნი: ლეკლეზიოს უდაბნო.

ახლა ვესაუბრე ნასტასიას (გუშინ ვფიქრობდი და ბუნდოვნად გავიხსენე ნამდვილი სახელი, მაგრამ ზუსტად არ ვიცი, სინამდვილეში რა ჰქვია. რა მნიშვნელობა აქვს, მე სხვა სახელს მაინც ვერ დავუძახებ :D) . წიგნი ყველგან იშოვება, რამდენადაც ვიცი. ბიბლიოთეკებშიც არის.


აქვე ჩამოვწერ დანარჩენი თვეების სიას:

• თებერვალი- ნასტასია. (ლეკლეზიოს უდაბნო)
• მარტი- k84u - წიგნი ჯერ არ აურჩევია
  
• აპრილი- ხისსუნიანისახლი - წიგნი ჯერ არ აურჩევია
  
• მაისი- იასამნისფერი - წიგნი ჯერ არ აურჩევია
  
• ივნისი- ჩემი დაბ. თვეა და მე გმასპინძლობთ. :D
• ივლისი- thecatcherintheray - წიგნი ჯერ არ აურჩევია
• აგვისტო -
  
• სექტემბერი- ანუშკა - წიგნი ჯერ არ აურჩევია.
  
• ოქტომბერი- ბაბისა
  
• ნოემბერი-
  
• დეკემბერი-
• იანვარი-

ეს ოთხი თვე გადანაწილდება შემდეგ ბლოგერებზე:

• ნანიკო
• ნან
• კუდა
• წერომანია
  

თუ ვინმე კიდევ დაგვემატება "თავისუფალი მსმენელის" კიარადა, თავისუფალი მკითხველის ამპლუაში მივიღებთ. :D


ჰოდა, ასე. დანარჩენი კომენტარებში ან მაილით.


update: 28.01.10

იდეებ რა ვუყო?! ა.კ.ა. წიგნების ონლაინ-კლუბი

წინა კვირას დაწერილ რეზოლუციას თითქმის ვასრულებ.

მთელი კვირის მანძილზე მხოლოდ მესამე ფილმი იტვირთება ახლა. ისიც იმიტომ, რომ თმები უნდა დავისწორო და გასართობს ვეძებ.

ერთადერთი იმდენს ვერ ვმეცადინეობ, რამდენიც საჭიროა...

მაგრამ ეს არაა მნიშვნელოვანი ახლა.
უფრო ისაა საგულისხმო, რომ ყველანაირი პროექტით შეიძლება ჩემი დაინტერესება.

1. facebook-ზე ვტვირთავ დღეში თითო ფოტოს ცნობილი One Photo a Day- პროექტის ფარგლებში. ორი თანამშრომელიც ავიყოლიე. სადამდე გავქაჩავ, არ ვიცი, მაგრამ მშვენიერი გასართობია.


2. Julie and Julia-ს ნახვის შემდეგ შემოღებულ "სამზარეულო პროექტზე" უკვე დავპოსტე ერთხელ. ხვალ მეორე შეკრებაა და დღეს მთელი დღე რეცეპტების გადამოწმებასა და ინგრედიენტების ყიდვაში გავატარე.


3. სვითის დავალებებს ვასრულებ შეძლებისდაგვარად.


4. სვითის ვიდეოსთვისაც გადავიღე საახალწლოდ სურათები.

ესე იგი, ყველანაირად იოლი საკბილო ვარ მსგავსი პროექტებისთვის.

ახლახანს წავიკითხე Jane Austen's Club. მერე ფილმიც ვნახე. 6 ადამიანი კითხულობს ჯეინის 6 რომანს. თვეში ერთხელ იკრიბებიან რომელიმესთან და განიხილავენ.

არც ერთს გირჩევთ და არც მეორეს, მაგრამ იდეა მომეწონა ძალიან და საშინლად მომინდა რეალურად შემესხა მისთვის ფრთა. მერე დავფიქრდი და მივხვდი, რომ არ მინდა რეალში გაკეთება, რადგან წინასწარ ვიცი შედეგი. დღეს მომივიდა თავში აზრად, ბლოგზე დამეწერა შემოთავაზება. რატომღაც ძალიან მინდა ბლოგერებთან მაკავშირებდეს ეს პროექტი.

ანუ, ბევრი რომ არ გავაგრძელო, ჩემი იდეაა:

გავაკეთოთ მსგავსი კლუბი, ოღონდ ონლაინ, " ბლოგერების წიგნის კლუბი" :D
ყოველ თვე რომელიმე ბლოგერი აირჩევს წიგნს, რომელსაც წავიკითხავთ ყველანი. ეს ბლოგერი თვის განმავლობაში არის "მასპინძელი". მისსავე ბლოგზე წერს პოსტს წიგნის წაკითხვის შემდეგ(რადგან 1 თვეა წიგნისთვის გამოყოფილი, იმ ერთი თვის მანძილზე უნდა დაიდოს პოსტიც). ჩვენ კი კომენტარების სახით გამოვხატავთ ჩვენს აზრს, ვიკამათებთ და ასე შემდეგ. მომდევნო თვეში გვეყოლება სხვა მასპინძელი და ა.შ.

თუკი პროექტით დაინტერესდით,გააგრძელეთ კითხვა, თუ არა, მაშინ დამშვიდებული სინდისით გადით/დააკომენტეთ/ჩემი სხვა პოსტები წაიკითხეთ :)


წესები:

1. არ ვიცი, რამდენი ადამიანი დაინტერესდება, ამიტომ ზემოთა ზღვარს ჯერ არ შემოვიღებ. შეიძლება სულ 1 მსურველი აღმოჩნდეს და უხერხულობაში ხომ არ ჩავვარდები. :D


2. პროექტი დაიწყება 1 თებერვალს. ეს ნიშნავს, რომ შემდეგი წიგნის წაკითხვა/განხილვა ხდება თებერვლის ბოლომდე.


3. მოქმედებს პრინციპი: თუ შეტოპე-გატოპე. ანუ, წიგნების ჩაგდება არ შეიძლება.


4. მონაწილეობის მსურველებმა დააკომენტეთ ან მომწერეთ მაილი ამ მისამართზე: chaoticco@gmail.com.
   მაილში/კომენტარში მიუთითეთ, წელს რომელი თვე გირჩევნიათ "სამასპინძლოდ" და რომელ წიგნს ირჩევთ. ჯერ-ჯერობით ყველა თვე თავისუფალია. გაითვალიწინეთ, რომ იანვრის თვე ამოვარდა, ამიტომ ათვლა იწყება თებერვლიდან.


5. წიგნის არჩევანში არავინ იღებს მონაწილეობას მასპინძლის გარდა. ასევე დიდ სნობიზმად ჩაითვლება ცხვირის აბზუება და "მე ამ წიგნს არ წავიკითხავ, შიგ სექსები და გინებებია" არგუმენტები და ჩვენ ხომ სნობები არ ვართ?! ჰოოდა, წინასწარვე განვეწყოთ ადამიანურად. :D


6. წიგნის არჩევისას იფიქრეთ იმაზე, თუ რამდენად ხელმისაწვდომ მასალას ირჩევთ. მაგალითად, მე ვიმყოფები საზღვარგარეთ და ქართული წიგნები აქ არ მაქვს. თუკი სადმე წიგნის ონლაინ-ვერსია იქნა, ხომ კარგი, თუ არადა, საშინლად გართულდება ეგ ამბავი. გამოგზავნაც არ ხერხდება. მეც, ჩემის მხრივ არ ავირჩევ წიგნს, რომელიც საქართველოში არ იშოვება.


7. აქვე წიგნებთან: წაიკითხეთ თქვენთვის სასურველ ენაზე. :D


8. ყველა მონაწილე საორგანიზაციო საკითხებთან დაკავშირებით, როგორიცაა შემდეგი თვის წიგნი, ცვლილებები სიაში და ა.შ., ჩემგან მიიღებს მაილს. ასე რომ სასურველი იქნება, კომენტარით გამოთქმული სურვილის შემთხვევაშიც იქვე მიუთითოთ თქვენი მაილი.

ვინაიდან, მე ამ წუთას სამი წიგნი მაქვს გამოტანილი და სამივე Austen-ის რომანია, დიდი პლაგიატობა იქნება ჩვენც მასე დავიწყოთ. ასე რომ, დაველოდები თქვენს შემოთავაზებებს. თუკი თებერვალში არავინ გამოჩნდება მსურველი, 1 თებერვლამდე მოვიფიქრებ, ამ რომანიებიდან რომელი ავირჩიო :D


და ისა, მოგეწონოთ იდეა რაა... :user: