ასეც....

+ ***
გჯერათ, ქალბატონო, ბედისწერის?
ან მიზნის მიღწევის, ან ოცნების ახდენის?
გახსოვთ მირაჟები ბრძოლის ველის?
და წყალი გამოწვდილი სისხლიანი პეშვით...
მე არ მჯერა არცერთის...

მე ყველა სივრცეში გამოვფენდი
ამ ემოციაგამოცლილ სიტყვებს
და თუკი შემკვეთი სურვილს გამოთქვამდა,
სახელს მივაწერდი...ან გვარს...ან თარიღს...
გრძნობა, რომელსაც ცხოვრობ შეკვეთით...

მოდით, მე თქვენის ნებართვით, ან თუნდაც, მის გარეშე,
მივაფურთხებ ამ ყველაფერს ( რა არამანდილოსნურია)
და აღარასდროს დავწერ თქვენნაირებისთვის...

ჰმმ...
... რა ამაზრზენად გაიტრუნეთ შოუს მოლოდინში... :(
კარგად მოიმარჯვეთ ჭუჭყიანი ხელები
და მრავლის-ვერ-მთქმელი მჭერმეტყველებით გაქექეთ ჩემი სული...
ეს ერთადერთია, რაც გამოგდით...

მე, ისევე, როგორც ადრე, არ ვწერ თქვენნაირებისთვის...