პროექტი ჰგავს და არის კიდეც ფილმის "ჯული და ჯულია" შთაგონების შედეგი.
ყოველი თვის მესამე შაბათ-კვირას მოვამზადებ რაიმეს და ამ დიად რაიმეს ჩემს ნაცნობებში ყველაზე კრიტიკული გურმანი, ნანიკო შეაფასებს.
ამ კვირისთვის ავარჩიე სპაგეტი-კარბონარა.
რეცეპტი შეგიძლიათ იხილოთ ამ ლინკზე.
პირველად ვაკეთებდი და წარა-მარა ლეპტოპისკენ გამოვრბოდი, რამე რომ არ შემშლოდა. ნანიკო ფოტოებს იღებდა, კრიტიკას რომ დაგიწერ, არაფერი დამავიწყდეს, ყველაფერი უნდა გადავიღოო :D
კომენტარებში იხილავთ მის დიად და რაც მთავარია ობიექტურ კრიტიკას.
რა არ გამომივიდა კარგად:
- 500 გრ. სპაგეტიო, ეწერა რეცეპტში, მაგრამ ასე ბრმად არ უნდა დამეჯერებინა. აშკარად ბევრი იყო იმ სოუსისთვის...
- სამწუხაროდ, დიდი ჯამი არ მქონდა და ორ ჯამში მომიწია გადანაწილება სპაგეტისა და სოუსის... ვერ იყო კარგი ამბავი...
რა გამომივიდა კარგად:
- კვერცხის ცილა და გული განვაცალკევე უბადლოდ :D
- ზოგადად, კერძი გამიმივიდა კარგი, ჩემის აზრით :D
მთელი დღე ვიმტვრევდი თავს, ეს მორჩენილი 4 კვერცხის ცილა სად წამეღო :D
დეკემბრის მენიუს ნანიკო შემიკვეთავს და ჯერ არ ვიცი, რისი მომზადება მომიწევს :D
ეს ფოტო-რეცეპტი ბონუსად.
ჰაჰ, ვიამაყე რა :D
150 გრ. ლორი იბრაწება 2 სუფრის კოვზ ზეთისხილის ზეთში.
ლორს ვამატებთ ნიორს და ძეხვს.
ამ ყველაფერს ვურევთ 100 გრ. ნაღებს (სლივკი ხომ ეგრე ითარგმნება? :spy:) და 2 წუთი ვაჩერებთ ცეცხლზე.
ამასობაში სპაგეტი მოიხარშა და გადაწურეთ. ჯამი და თეფშები გააცხელეთ ღუმელში :D
გაცხელებულ ჯამში ერთმანეთს ურევთ 4 კვერცხის გულს, 100 გრ. ნაღებს და ყველს სახელად "პარმეზანი".
ჯამში უთავაზებთ მოხარშულ სპაგეტსაც
ზემოდან მოასხამთ ლორისა და ძეხვის სოუსს, დაამატებთ შავ წიწაკას და ამ ყველაფერს კარგად აურევთ.
შემდეგ თბილ თეფშებზე გაანაწილებთ ულუფებს, მოაყრით პარმეზანს და ისღა დაგრჩებათ, მიირთვათ.
აი, ასე გამოიყურებოდა ჩემი კულინარიაში დახელოვნების მცდელობა :D
შეგიძლიათ შეაფასოთ :D
