ღმერთო, ოდესმე მომემატება ჭკუა?!

lockerz.com იცით?

ეს არის საიტი, რომელზეც ვერ დარეგისტრირდები მოწვევის გარეშე, სადაც შედიხარ ყოველდღე და მოცემულ "დღის კითხვას" პასუხს სცემ. ყოველ შესვლაზე გემატება 2 ქულა, ყოველ გაცემულ პასუხზეც ასევე 2 ქულა.

თუკი 20 ადამიანს მოიწვევ და ისინიც გაწევრიანდებიან, გახდები Z-ლისტერი და 2 ქულის ნაცვლად, 4 მოგემატება შესვლა/პასუხის გაცემაში.

თვეში ერთხელ შეგიძლია შენი მოგროვებული ქულებით გამოიწერო საჩუქარი: ძირითადად აქვთ Apple-ის პროდუქტები, ვიდეო-თამაშები, ფილმების DVD-ები და ლოკერზის ლოგოიანი ნივთები.
წარმოდგენა რომ შეგექმნათ, Ipod Nano-ის გამოწერა შეიძლება 425 ქულიდან , ხოლო მაკის ნოუთბუქის 1500 ქულიდან.
კითხვები არის ძირითადად მარკეტინგული სახის და ალბათ, ისინი ასე მოპოვებულ დიდ სტატისტიკურ ინფორმაციას კარგად იყენებენ. :D
მაგალითისთვის დღევანდელი კითხვა იყო: "რომელ სპორტს ანიჭებთ უპირატესობას ზამთრის ოლიმპიადაზე? "

ამ საიტზე კარგა ხანია ვარ. ადრე Sb-მ გამომიგზავნა მოწვევა. თავიდან ცოტა არასერიოზულად მივუდექი. თვეობით არ შევდიოდი. იანვარში კი ვინანე: სულ რაღაც 150 ქულა მქონდა და ვერაფერს გამოვიწერი მაგით. ახლა ვაგროვებ ნელ-ნელა, 217 ქულა მაქვს. ძალიან ნელა მემატება ქულები, რადგან მხოლოდ ერთი მეგობარი მყავს, ისიც ჩემი და :D

გუშინ ფორუმზე შევიხედე და ერთი გინება დამხვდა თემაში. ზოგმა იწუწუნა, წამიშალეს ქულებიო (ეტყობა ჩითერობით მოპოვებული ქულები იყო), ზოგმა- სისულელეა, ძმაკაცმა მითხრა, არაფერსაც არ აგზავნიანო... ესაო ისაო... მერე ერთი გერმანული ვიდეო ვნახე და ხანდახან მარტო Z-ლისტერებს შეუძლიათ გამოწერა, ხან კიდევ ყველასთვის შესაძლებელია ქულების ხარჯვაო. youtube-ზე lockerz unboxing მონახეთ და რიავიც, აგზავნიან აშკარად :D
მეც ვცდი, ჩემი რა მიდის.

აქვე რეკლამა: სურვილის შემთხვევაში გამომიგზავნეთ მაილი და მოგიწვევთ :D

ჰოდა, ჩემი უჭკუობა რაში მდგომარეობს?
მე ხომ განთქმული ვარ უცნობების, მსახიობების, სელებრითების და უბრალოდ ლამაზი ტიპების მიმართ აუხსნელი crush-ებით. ჰოდა, ლოკერზის ორი თანამშრომელი, Dave და Antony, დღიურ შეკითხვაზე აკეთებს ვიდეოს, რომელიც იტვირთება ამავე საიტზე და ერთი ფანი ტვირთავს youtube-ზე.



შავგვრემანი არის დეივი და ქერა ტიპი - ენტონი. საერთოდ, დიდი სათვალე უკეთია ხოლმე, როგორც ამ ვიდეოში:


იდეაში, უნდა გამოვტყდე, რომ ორივე მესიმპატიურება, მაგრამ ეს ქერა... მმმმ... cute cute...

:ლოვე:
გუშინწინ განვსხივოსნდი და შემიყვარდა :D
გადავქექე მას შემდეგ ყველა ვიდეო და რაოდენ დამწყდა გული, გუშინდელ ვალენტინობის დღის ვიდეოში, შეყვარებული ვარო, რომ თქვა :S


ჰოდა, აი, გეკითხებით: არის შანსი, რომ ოდესმე ჭკუა მომემატოს?

:D