გვერდში რომ არავინ გვიდგას და საკუთარი აზრი არ გაგვაჩნია

დიალოგი სამარშრუტო ტაქსში:
ბიჭი: მე შენი აზრი მაინტერესებს, რას ფიქრობ ამ საკითხზე.
გოგო: მე არ მაქვს ჩემი აზრი და შენ რას ფიქრობ?

და მე ვზივარ და საკუთარ თავზე ვბრაზდები, რომ 3,5 წლის შემდეგ სახლში ჩასულს ყველანაირი მოგონება უკან მრჩება და პირველი ეს დიალოგი მომდის თავში აზრად.

ვბრაზდები იმაზე, რომ უკლებლივ (!) ყველა დედა უმუშევრობას შვილებს აბრალებს და ამ დროს არცერთი მათგანი არაა კლასიკური გაგებით full time mom.

იმაზეც ვბრაზდები, რომ ქალების ძალიან დიდი ნაწილი აბსოლუტურად ცხვრის რეფლექსით აძლევს ქმარს/მამას/სტაიანშიკს, მაგრამ კაცს უფლებას, მეორე ხარისხოვანი ადამიანის რანგში ჰყავდეს. არაფერს ვამბობ, საწინააღმდეგო სქესის გულისამრევ შეხედულებებზე.

და აი, რატომ არ გკიდიაო, ვინმემ რომ მკითხოს, ყელში ვწვდები, ალბათ.

არადა, რა გემრიელად დავისვენე.
განახლებული ბათუმიც ვნახე...
ფეხებიც დამატყდა პლიაჟზე და ძალიან მეპარება ეჭვი იმაში, რომ სხვა ნებისმიერ სანაპიროზე ნამყოფი უცხოელი მეორედ ჩავიდეს მანდ... მე მაპატიეთ :D
ბათუმში გადაცხოვრებაც გადავიფიქრე, რადგან საერთოდ არაფერი ხდება საჩემო.
ჩემი დიშვილის დაბადების დღეზე ვიყავი პირველად (თავად დაბადებას თუ არ ჩავთვლით).
ბევრი კარგ და ახლო ადამიანს შევხვდი.
ბევრმა შეიცხადა, რომ ჯერ კიდევ ვერ გავთხოვდი :D

ყველაზე ხშირად ამ ფრაზას ამბობდნენ: "მე გვერდით არავინ მიდგას, მე არავინ მეხმარება"- WTF? რატომ არის ვინმე ვალდებული, დაგეხმაროს?! თან იმენა ვალდებული... ამაზე ცალკე პოსტს დავდებ, ალბათ.

რაც მთავარია, დავისვენე...
ჩამოვალ ერთ 2-3-4-5 წელში-მეთქი, დავიბარე :D

პადუმაეშ, ინდივიდი

რამდენიმე კვირის წინ საშინლად მომენატრა Heath-ი. გამახსენდა, როგორ შემიყვარდა ჯერ კიდევ მისი პირველი, მაგრამ არასერიოზული როლით. მინდოდა დამეწერა და მეორე დღეს ვიღაცის პოსტი დამხვდა რიდერში მისი ფოტოებით....

მერე რამდენიმე დღე მინდოდა ჩემი ადრე ჩამოთვლილი ფეტიშების თემა განმევრცო და ასევე , ჩემი საყვარელი 4 მსახიობი ქალის შემდეგ, მსახიობ მამაკაცებზე დამეპოსტა. ზუსტად იგივე პერიოდში ვიღაც ბლოგერმა დაპოსტა ამაზე.

შემდეგ რომელიღაც ფილმზე მინდოდა დაპოსტვა და იმ კვირაში თითქმის ყველა ფილმებზე წერდა...


ჰოდა, აბა, ინდივიდუალიზმი?!
ჩვენ ყველას გვგონია, რომ ძალიან გამოვირჩევით სხვებისგან, მაგრამ მთლიანობაში ყველა აზრმა, რომელიც კი ოდესმე გაგვივლია თავში, უკვე ათასობით სხვა თავი გამოიარა...


თუმცა, ინდივიდუალიზმი შეიძლება სწორედ ის არის, ზემოთხსენებულ სამივე თემაზე ჩემებური პოსტი დამეწერა?! ალბათ, იგივე აზრი- მხოლოდ სხვა სიტყვათა წყობა...
ხზ...